1Ch 4 | ZomZIV | STEP | Judah suante: Perez, Hezron, Carmi, Hur le Shobal.

1 Chronicles 4

Judah Bawng’ Dangte

1 Judah suante:

Perez, Hezron, Carmi, Hur le Shobal. ^a
2 Shobal tapa Reaiah in Jahath pa hi-a Jahath in Ahumai le Lahad-te pa ahi hi. Hihte in Zorath-te bawng’te ahi hi.
3 Hihte in Etam tapate ^{▼▼4.3 Septuagint khutgelh pawlkhat (Vulgate zong en in) Hebrew in pa} ahi hi:
Jezreel, Ishma le Idbash. Amaute sanggamnu in Hazzelelponi ahi hi. 4 Penuel in Gedor pa hi-a Ezer in Hushah pa ahi hi.
Hihte in Hur suante hi a, Ephrathah ta masa le Bethlehem’ pa ^{▼▼4.4 Pa in tangpi makai ahikeh galkap makai cihna hi kha ding. tg.12, 14,17 le 18 ah zong a koi mapeuh ah hi thei hi.} ahi hi. ^d
5 Tekoa pa Ashhur in zi nih nei-a Helah le Naarah ahi hi. ^e
6 Naarah in amah tawh Ahuzzam, Hepher, Temeni le Haahashtari-te a nei hi. Hihte Naarah suante ahi hi.
7 Helah tapate:
Zereth, Zohar, Ethnan, 8 le Anub le Hazzobebah le Harum tapa Aharhel-te pa Koz ahi hi.

9 A sanggamte sangin Jabez pahtawihuai zaw hi. A nu in, “Na sapi-a ka neih,” a cihna-in Jabez ^{▼▼4.9 Jahez Hebrew lai aw in na cihna tawh a ginzia kibang hi} a phuak hi. 10 Israel Pasian tungah Jabez kiko a, “Thupha hong pia in, ka gam hong khan in! Na khut tawh hong ompih inla, gimna pan ka suahtak theih nadingin siatna panin hong kem in,” a ci hi. Tuateh Pasian in ama ngetna a pia hi.

11 Shuhah sanggampa Kelub, Mehir’ pa hi-a amah Eshton’ pa ahi hi. 12 Eshton in Beth Rapha, Paseah le Ir Nahash ^{▼▼4.12 Ahikeh Nahash khuapi a} pa Tehinnah-te pa ahi hi. Hihte in Recah bawng’te ahi hi.
13 Kenaz tapate:
Othniel le Seraiah.
Othniel tapate:
Hathath le Meonothai ^{▼▼4.13 Septuagint khutgelh pawlkhat le Vulgate; Hebrew ah le Meonothai nei lo hi.}. 14 Meonothai in Ophrah pa ahi hi.
Seraiah in Ge Harashim ^{▼▼4.14 Ge Harashim pen khutsiam kuam cihna} pa Joab pa ahi hi.
A mite khutsiam ahi manin hih a kici ahi hi.
15 Jephuneh tapa Caleb tapate:
Iru, Elah le Naam.
Elah tapa:
Kenaz.
16 Jehallelel tapate:
Ziph, Ziphah, Tiria le Asarel.
17 Ezrah tapate:
Jether, Mered, Epher le Jalon. Mered zite khat in Miriam, Shammai le Eshtemoa’ pa Ishbah-te a nei hi. 18 (Ama Judah-mi zi tawh Gedor pa Jered, Soco pa Heber le Zanoah pa Jekuthiel a nei hi). Hihte, Mered in a tenpih Pharaoh tanu Bithiah tate ahi hi.
19 Naham sanggamnu Hodiah zi tapate:
Garm-te Keilah le Maacath-te Eshtemoa’ pa ahi hi. ^j
20 Shimon tapate:
Amnon, Rinnah, Ben-Hanan le Tilon.
Ishi suante:
Zohath le Ben-Zoheth.
21 Judah tapa Shelah tapate:
Lecah pa Er, Mareshah pa Laadah le Beth Ashbea a saihadial puan gan bawng’te, 22 Cozeba mi Jokim le Joash le Moab a uk Saraph le Jashubi Lehem ahi hi. (Hih ciamtehnate tanglai hun pek-a ahi hi) 23 Amaute Netaim le Gederah a teng beel seekte hi uh a, tua lai-ah tengin kumpipa na sem uh hi. ^k

Simeon

24 Simeon suante:
Nemuel, Jamin, Jarib, Zerah le Shaul; ^l
25 Shallum in Shaul tapa hi-a a tapa Mibsam le a tapa Mishma ahi hi.
26 Mishma suante:
Hammuel a tapa hi-a Zaccur a tapa hi-in, Shimei a tapa ahi hi.

27 Shimei in tapa sawm le guk le tanu guk nei-a, ahi hangin a sanggampa in ta tampi a nei kei hi; tua ahi ciangin amau bawng’ khempeuh Judah mite zahin a tam kei uh hi. 28 Amaute Beersheba, Moladah, Hazar Shaul, 29 Bilhah, Ezem, Tolad, 30 Bethuel, Hormah, Ziklag, 31 Beth Marcaboth, Hazar Susim, Beth Biri le Shaaraim ah a teng uh hi. Hihte David uk ciang donga a khuapite uh ahi hi. 32 Amaute kimkot-a khuaneute, Etam, Ain, Rimmon, Token le Ashan - khuapi nga - 33 le Baalath ^{▼▼4.33 Septuagint khutgelh pawlkhat (Jos 19:8 zong en in) Hebrew in Baal} dong hih khuapi kima khuaneute khempeuh tawh ahi hi. Hihte amau tenna ahi hi. Tuateh amaute in khang ciamtehna a nei uh hi.

34 Meshobab, Jamlech, Amaziah tapa Joshah, 35 Joel, Asiel tapa Seraiah tapa Joshibiah tapa Jehu, 36 Elioenai, Jaakobah, Jeshohaiah, Asaiah, Adiel, Jesimiel, Benaiah, 37 le Shemaiah tapa Shimri tapa Jedaiah tapa Allon tapa Shiphi tapa Ziza ahi uh hi.

38 A tunga min kigualte amau bawng’ zui-a makaite ahi hi. Amau innkuante khang mahmah uh a, 39 a tuuhonte uh gamtat nading zongin kuam nisuahna lama Gedor ciangka dongah a pai uh hi. 40 Amaute in lei hoih gantatna hoih mu uh a, tua gam zai mahmahin kilemin a dai uh hi. A masa lai-in Ham-te pawlkhat na teng khin hi. ⁿ

41 A min kigual mite Judah kumpipa Hezekiah hun lai-a lutte ahi uh hi. Amaute in Ham-te le a tennate uh simin tua lai-a om Meunim-te susia ^{▼▼4.41 Hebrew lai-in mihing le nate TOPA} kiuhkeuh uh a, tuni dongin a mangsuak uh hi. Tua lai-ah a tuuhonte uh gamtat nading om ahi manin amaute tenna munah a teng uh hi. 42 Tuateh Simon-te mi zanga Pelatiah, Neariah, Rephaiah le Ashi tapa Uzziel in makaiha Sier mualtung gam a sim uh hi. 43 Amaute in Amalek-te a suakta a omlai sunte that uh a, tuni dong tua lai-ah a tengsuak uh hi.